അവകാശ ധ്വംസനങ്ങള്‍ക്കെതിരെ ചോദ്യങ്ങളുയര്‍ത്തി ‘ഗ്വാണ്ടനാമോ’ ഫോട്ടോ എക്‌സിബിഷന്‍

ശാന്തപുരം: വികസനത്തെന്റെയും സംശയത്തിന്റെയും പേരില്‍ പൗരന്മാരുടെ മൗലികാവകാശങ്ങള്‍ വരെ കവര്‍ന്നെടുക്കാന്‍ ഭരണകൂടങ്ങള്‍ കൂട്ടു നില്‍ക്കുന്ന കാലത്ത് അവകാശ നിഷേധങ്ങള്‍ക്കെതിരെ പ്രതിരോധം തീര്‍ത്ത് ‘ഗ്വോണ്ടനാമോ’ ഫോട്ടോ എക്‌സിബിഷന്‍. ലോക മനുഷാവകാശ ദിനത്തോടനുബന്ധിച്ച് ശാന്തപുരം അല്‍ ജാമിഅ അല്‍ ഇസ്ലാമിഅ സീനിയര്‍ സെക്കണ്ടറി വിദ്യാര്‍ഥികള്‍ സംഘടിപ്പിച്ച ഫോട്ടോ എക്‌സിബിഷന്‍ അല്‍ ജാമിഅ അസിസ്റ്റന്റ് റെക്ടര്‍ ഇല്യാസ് മൗലവി ഉദ്ഘാടനം ചെയ്തു. രാജ്യത്ത് തുടര്‍ന്ന് കൊണ്ടിരിക്കുന്ന ന്യൂനപക്ഷ-പിന്നോക്ക വിഭാഗങ്ങള്‍ക്ക് നേരെയുള്ള ആക്രമണങ്ങളെ ചോദ്യം ചെയ്തും ജനിച്ച മണ്ണില്‍ നിന്നും ആട്ടിയോടിക്കപ്പെട്ട അഭയാര്‍ഥികള്‍ക്ക് ഐക്യദാര്‍ഢ്യം പ്രകടിപ്പിച്ചുമായിരുന്നു ചിത്ര പ്രദര്‍ശനം. സീനിയര്‍ സെക്കണ്‍റി പ്രിന്‍സിപ്പള്‍ ശഫീഖ് നദ്വി അധ്യക്ഷത വഹിച്ചു. ഷിബിന്‍ റഹ്മാന്‍, ഒമര്‍ സഈദ്, യാസിര്‍ റംസാന്‍, സി.അഫ്‌നാന്‍ തുടങ്ങിയവര്‍ നേതൃത്വം നല്‍കി.

Read More

അറിവിന്റെ വെളിച്ചത്തില്‍ സമൂഹത്തെ നയിക്കാന്‍ വിദ്യാര്‍ഥികള്‍ തയ്യാറാകണം: ഡോ.അബ്ദുസ്സലാം അഹ്മദ്

ശാന്തപുരം: മാറി കൊണ്ടിരിക്കുന്ന ലോകത്ത് അറിവുകളുടെ സഹായത്തോടെ സമൂഹത്തെ മുന്നോട്ടു നയിക്കാന്‍ വിദ്യാര്‍ഥികള്‍ക്ക് സാധ്യമാവേതുണ്ടതുണ്ടെന്നും വിവര സങ്കേതിക വിദ്യയുടെ പുത്തന്‍ സാധ്യതകളെ അതിന് വേണ്ടിയാണ് അവര്‍ ഉപയോഗിക്കേണ്ടതെന്നും ശാന്തപുരം അല്‍ജാമിഅ റെക്ടര്‍ ഡോ.അബ്ദുസ്സലാം അഹ്മദ്. അക്കാദിമക രംഗത്തെ പുതിയ സാധ്യതകളെ ഉപയോഗപ്പെടുത്തി മികച്ച പ്രതിഭകളാവാന്‍ വിദ്യാര്‍ഥികളെ പ്രാപ്തരാക്കുന്നതില്‍ രക്ഷിതാക്കള്‍ക്കുള്ള പങ്ക് ചെറുതല്ലെന്നും അത് യഥാവിധി നിര്‍വ്വഹിച്ചിലെങ്കില്‍ കരുത്തുറ്റ സമൂഹ വളര്‍ച്ചയെ അത് സാരമായി ബാധിക്കുമെന്നും അദ്ദേഹം പറഞ്ഞു.
ശാന്തപുരം അല്‍ ജാമിഅ അല്‍ ഇസ്ലാമിയ അധ്യാപക-രക്ഷകര്‍ത്താ യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. പി.ടി.എ പ്രസിഡന്റ് അബ്ദുല്‍ ഗഫൂര്‍ അധ്യക്ഷത വഹിച്ചു. അക്കാദമിക്ക് കൗണ്‍സില്‍ ചെയര്‍മാന്‍ ഡോ. കൂട്ടില്‍ മുഹമ്മദലി, അസി. റെക്ടര്‍ ഇല്ല്യാസ് മൗലവി, മമ്മുണ്ണി മൗലവി, കെ. അബ്ദുല്‍ കരീം, കെ.എം. അഷറഫ്, സലാം പുലാപറ്റ, ശഫീഖ് നദ്‌വി, എ.ടി. ശറഫുദ്ധീന്‍ എ.പി. ശംസീര്‍ തുടങ്ങിയവര്‍ പങ്കെടുത്തു. വിവിധ മേഖലകളില്‍ കഴിവ് തെളിയിച്ച വിദ്യാര്‍ഥികള്‍ക്കുള്ള അവാര്‍ഡ് വിതരണവും സമ്മാനദാനവും നടന്നു. വിദ്യാര്‍ഥിനികളുടെ കലാപരിപാടിക്ക് സുമയ്യ, നൗറിന് ഹമീദ്, ഹന റസ്‌ലിന്‍ തുടങ്ങിവര്‍ നേതൃത്വം നല്‍കി.

Read More

ജില്ല കരാട്ടെ ടൂര്‍ണമെന്റ്: മികച്ച നേട്ടവുമായി ശാന്തപുരം അല്‍ ജാമിഅ വിദ്യാര്‍ഥികള്‍

പെരിന്തല്‍മണ്ണ: മലപ്പുറം ജില്ല കരാട്ടെ അസോസിയേഷന്‍ കാലിക്കറ്റ് യൂണിവേഴ്‌സിറ്റി ഇന്‍ഡോര്‍ സ്റ്റേഡിയത്തില്‍ സംഘടിപ്പിച്ച ജില്ല കരാട്ടെ ടൂര്‍ണമെന്റില്‍ മികച്ച നേട്ടവുമായി ശാന്തപുരം അല്‍ ജാമിഅ അല്‍ ഇസ്ലാമിയ്യ വിദ്യാര്‍ഥികള്‍. വിവിധ വിഭാഗങ്ങളിലായി മുഹമ്മദ് യാസിര്‍ റംസാന്‍, വി. റഹ്മത്തുള്ള എന്നിവര്‍ ഒന്നാം സ്ഥാനവും പി. തന്‍വീര്‍ രണ്ടാം സ്ഥാനവും ഇ.കെ. ഷാമില്‍, കെ.പി. മുഹമ്മദ് ഇര്‍ഷാദ്, ബാസില്‍ അമീന്‍ എന്നിവര്‍ മൂന്നാം സ്ഥാനവും കരസ്ഥമാക്കി.
അല്‍ജാമിഅ കേന്ദ്രീകരിച്ച് പ്രവര്‍ത്തിക്കുന്ന ഒക്കിനാവന്‍ ഷൊറിനറിയൂ കരാട്ടെ ആന്റ് കുബഡോ യൂണിറ്റില്‍ സെന്‍സായി പി.അബ്ദുല്‍ ശമീറിന് കീഴില്‍ മുപ്പതോളം വിദ്യാര്‍ഥികള്‍ പരിശീലനം തേടുന്നുണ്ട്.
വിജയികളെ അനുമോദിക്കുന്ന ചടങ്ങ് അല്‍ ജാമിഅ റെക്ടര്‍ ഡോ.അബ്ദുല്‍ സലാം അഹ്മദ് ഉദ്ഘാടനം ചെയ്തു. അസിസ്റ്റന്റ് റെക്ടര്‍ ഇല്യാസ് മൗലവി സമ്മാനദാനവും അവാര്‍ഡ് വിതരണവും നിര്‍വ്വഹിച്ചു. അക്കാദമിക്ക് കൗണ്‍സില്‍ ചെയര്‍മാന്‍ ഡോ.കൂട്ടില്‍ മുഹമ്മദലി, സമീര്‍ കാളിക്കാവ്, എ.ടി.ഷറഫുദ്ദീന്‍, ഡോ.സാഫിര്‍ തുടങ്ങിയവര്‍ പങ്കെടുത്തു.

Read More

ഇന്റര്‍ കോളേജ് ഫുട്‌ബോള്‍ ടൂര്‍ണമെന്റ്: ശാന്തപുരം അല്‍ജാമിഅ ജേതാക്കള്‍

പെരിന്തല്‍മണ്ണ: പുളിക്കല്‍ ജാമിഅ സലഫിയ സ്റ്റുഡന്‍സ് യൂണിയന്‍ സംഘടിപ്പിച്ച ‘അറബ് ക്ലാസിക്കോ’ അഖില കേരള ഇന്റര്‍ കോളേജ് ഫുട്‌ബോള്‍ ടൂര്‍ണമെന്റില്‍ ശാന്തപുരം അല്‍ജാമിഅ അല്‍ ഇസ്ലാമിയ്യ ജേതാക്കളായി. ഫൈനലില്‍ അരീക്കോട് എസ്.എസ് കോളേജിനെ പരാജയപ്പെടുത്തിയാണ് അല്‍ജാമിഅ ചാമ്പ്യമ്പ്യൻമാരായത്. കേരളത്തിലെ വിവിധ കോളേജുകളില്‍ നിന്ന് 28 ടീമുകള്‍ മത്സരിച്ച ടൂര്‍ണമെന്റില്‍ ടോപ്പ് സ്‌കോററായി അല്‍ജാമിഅയുടെ ഇഹ്ജാസിനെയും മികച്ച ഗോര്‍ക്കീപ്പറായി ശഹസാദിനെയും തെരെഞ്ഞെടുത്തു. ജാമിഅ സഫലിയ കോളേജ് അധികൃതരില്‍ നിന്നും ടീം മാനേജര്‍ ഇസ്ഹാഖ് അലി മെഹ്‌യുദ്ധീന്‍, ക്യാപ്റ്റന്‍ കെ.ഷഹീം എന്നിവര്‍ ട്രോഫി ഏറ്റുവാങ്ങി.

Read More

ഫോക്കസ് 2017- ദൃശ്യമാധ്യമ ശില്‍പശാലക്ക് സമാപനം

ഇരകൾക്കൊപ്പം നിലകൊള്ളുമ്പോഴാണ് അവതാരകൻ ജനകീയനാവുന്നത്- ഡോ.അരുൺകുമാർ

സാമൂഹിക വിഷയങ്ങളിലൂന്നിയുള്ള സംവാദങ്ങളിൽ ഇരകളുടെ പക്ഷത്ത് നില കൊള്ളാൻ സാധിക്കുമ്പോഴാണ് അവതാരകൻ ജനകീയനാവുന്നതെന്ന് മികച്ച അവതാരകനുള്ള സംസ്ഥാന അവാർഡ് നേടിയ ഡോ. അരുൺകുമാർ.വിനോദ പരിപാടികളുടെ അവതാരകനാവുന്നതിനേക്കാൾ താൻ ആഗ്രഹിക്കുന്നത് സാമൂഹിക ചർച്ചകളാണെന്നും അദ്ദേഹം പറഞ്ഞു.

ശാന്തപുരം അൽ ജാമിഅ അൽ ഇസ്ലാമിയ്യ മീഡിയ പോയൻറ് സംഘടിപ്പിച്ച ഫോക്കസ് 2017 ദ്വിദിന ദൃശ്യമാധ്യമ ശിൽപശാല ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വിവര സാങ്കേതിക വിദ്യകൾ മാധ്യമ രംഗത്ത് ക്രിയാത്മകമായി പ്രയോജനപ്പെടുത്താൻ സാധിക്കണമെന്ന് അധ്യക്ഷത വഹിച്ചു കൊണ്ട് അൽ ജാമിഅ അൽ ഇസ്ലാമിയ റെക്ടർ ഡോ.അബ്ദുസ്സലാം അഹ്മദ് പറഞ്ഞു. കുറെ വാക്കുകളേക്കാൾ ഒരു ചിത്രം കൊണ്ട് വലിയ ആശയം സംവേദനം ചെയ്യാനാവുമെന്ന് മാധ്യമം സീനിയർ ഫോട്ടോ എഡിറ്റർ റസാഖ് താഴത്തങ്ങാടി ഫോട്ടോ ജേണലിസം എന്ന വിഷയത്തിൽ ക്ലാസെടുത്തു കൊണ്ട് സംസാരിച്ചു. ക്യാമ്പംഗങ്ങൾക്കായി ഷോട്ഫിലിം നിർമ്മാണ മത്സരവും ഫോട്ടോഗ്രാഫി മത്സരവും സംഘടിപ്പിച്ചു.

മീഡിയാ വൺ സീനിയർ റിപ്പോർട്ടർ സാജിദ് അജ്മൽ,യാസിർ അറഫാത്ത് ഹസീബ് റഹ്മാൻ, സാലിഹ്, സഫ്വാൻ, ഇർഫാൻ എന്നിവർ വിവിധ സെഷനുകൾ നിയന്ത്രിച്ചു. അജ്മൽ, ശംസീർ, സാലിഹ്,ആസിഫ്, ഇസ്ഹാഖ് എ.ടി. ഷറഫുദ്ദീൻ എന്നിവർ ശില്പശാലക്ക് നേതൃത്വം നൽകി. കോഡിനേറ്റർ സുഹൈറലി തിരുവിഴാംകുന്ന് സ്വാഗതവും അൽ ജാമിഅ ഐ.ടി.ഡയറക്ടർ ശഫിൻ നന്ദിയും പറഞ്ഞു.

Read More

സി.സി. നൂറുദ്ദീന്‍ അസ്ഹരിക്ക് അലുംനി ഉപഹാരം നൽകി

അൽ ജാമിഅയിൽ ദീർഘകാലം സ്തുത്യർഹമായ സേവനമനുഷ്ഠിച്ച സി.സി. നൂറുദ്ദീന്‍ അസ്ഹരിക്ക് അൽ ജാമിഅ അലുംനി അസോസിയേഷന്റെ ഉപഹാരം അസോസിയേഷന്‍ സെക്രട്ടറി ശമീം ചൂനൂര് കൈമാറുന്നു

Read More

ഇന്ത്യയില്‍ ഇസ്‌ലാമിക് ബാംങ്കിംഗ് സാധ്യമാണ്: ഡോ. മുന്‍ദിര്‍ അല്‍കഹ്ഫ്

കോഴിക്കോട്: ഇന്ത്യയില്‍ ഇസ്‌ലാമിക് ബാങ്കിംഗിന് വലിയസാധ്യതകളാണുള്ളതെന്നും അത്  ക്രിയാത്മകമായി  ഉപയോഗപ്പെടുത്താന്‍ ഇന്ത്യയിലെ മുസ്ലിം സമൂഹത്തിനു സാധിക്കുന്നില്ലെന്നും അമേരിക്കയിലെ ലോക പ്രശസ്ത ഇസ്‌ലാമിക സാമ്പത്തിക വിദഗ്ധന്‍ ഡോ.മുന്‍ദിര്‍ അല്‍ കഹ്ഫ്. നിലവില്‍ ഇസ്‌ലാമിക ബാങ്കിംഗിനെക്കുറിച്ച് തെറ്റിദ്ധാരണകളേറെയാണ്. ഇന്ത്യന്‍ ബാങ്കിങ് നിയമ പ്രകാരം ഇസ്‌ലാമിക് ബാങ്കിംഗ് സംവിധാനത്തില്‍ വാങ്ങലും വില്‍ക്കലും ബാങ്ക് മുഖേന നേരിട്ട് സാധ്യമല്ല എന്നാണ് പലരും ധരിച്ചു വെച്ചിരിക്കുന്നത്. എന്നാല്‍ വാണിജ്യ സ്വഭാവത്തിലുള്ള  കച്ചവടങ്ങള്‍ക്ക് പകരം ധനപരമായ ഇടപാടുകളിലേക്ക് മാറുന്നതോടെ തീരുന്നതാണ് ഇതിലെ നിയമപ്രശ്‌നങ്ങള്‍. മുസ്‌ലിം പണ്ഡിതന്‍മാരില്‍ തന്നെ പലര്‍ക്കും പൊതു ജനങ്ങള്‍ക്ക് മൊത്തത്തിലും ഇസ്‌ലാമിക് ബാങ്കിംഗ് എന്താണ് എന്ന് കൃത്യമായി മനസ്സിലായിട്ടില്ല എന്ന പരിമിതിയുണ്ട്. ഇതിന് ശക്തമായ ബോധവല്‍കരണം ആവശ്യമാണെന്നും അദ്ദേഹം പറഞ്ഞു.
ശാന്തപുരം അല്‍ജാമിഅ കോഴിക്കോട് അസ്മാ ടവറില്‍ ‘ഇസ്‌ലാമിക് ബാങ്കിംഗിന്റെ പുതിയ  സാധ്യതകള്‍’ എന്ന വിഷയത്തില്‍ സംഘടിപ്പിച്ച പരിപാടിയില്‍ സംസാരിക്കുകയായിരുന്നു അദ്ദേഹം. ഇസ്‌ലാമിക് ബാങ്കിങ്  ഇതര ബാങ്കിംഗ് സംവിധാനങ്ങളുമായി താരതമ്യം ചെയ്യുമ്പോള്‍ തീര്‍ത്തും സുതാര്യവും ധാര്‍മ്മിക മൂല്യങ്ങളിലധിഷ്ഠിതവുമാണ്. എല്ലാ അര്‍ത്ഥത്തിലും ചൂഷണമുക്തമാണ് ഈ സംവിധാനം. സാമ്പത്തിക രംഗത്തെ പലിശ ചൂതാട്ടം പോലുള്ള കടുത്ത ദൂഷ്യങ്ങളെ അത് പൂര്‍ണ്ണമായി നിരാകരിക്കുന്നു. മതപരമായ വൈജാത്യങ്ങളില്ലാതെ മുഴുവന്‍ മനുഷ്യര്‍ക്കും വേണ്ടിയുള്ളതാണീ സംവിധാനമെന്നും അദ്ദേഹം കൂട്ടിച്ചേര്‍ത്തു. പരിപാടിയില്‍ അല്‍ജാമിഅ റെക്ടര്‍ ഡോ. അബ്ദുസ്സലാം അഹ്മദ് അദ്ധ്യക്ഷനായിരുന്നു. പ്രോഗ്രാം കോ ഓഡിനേറ്റര്‍ ഷൗക്കത്തലി സുലൈമാന്‍ സ്വാഗതം പറഞ്ഞു.

Read More

അല്‍ജാമിഅ ട്രാന്‍സ്‌ലേഷന്‍ കോഴ്‌സ് ഫലം പ്രസിദ്ധീകരിച്ചു

ശാന്തപുരം: അല്‍ജാമിഅ അല്‍ഇസ്‌ലാമിയ്യയിലെ ഫാക്കല്‍റ്റി ഓഫ് ലാംഗ്വേജസ് ആന്റ് ട്രാന്‍സ്‌ലേഷന്‍ കീഴില്‍ നടക്കുന്ന ഏകവര്‍ഷ പിജി ഡിപ്ലോമ ഇന്‍ അറബിക് ആന്റ് ഇംഗ്‌ളീഷ്   കോഴ്‌സിന്റെ (പി. ജി. ഡി .എ. ഇ 2016- -2017 ബാച്ച്) ഫലം പ്രസിദ്ധീകരിച്ചു. ഷഹബാസ്  എം .എസ് , ജുമാന. പി .പി , മുഹമ്മദ് തുഫൈല്‍ .കെ എന്നിവര്‍ യഥാക്രമം ഒന്നും രണ്ടും മൂന്നും റാങ്കുകള്‍ കരസ്ഥമാക്കി.

Read More

സെമിനാര്‍ സംഘടിപ്പിച്ചു

ശാന്തപുരം: 2017 ജനുവരി 28, 29 തിയ്യതികളില്‍ നടക്കാനിരിക്കുന്ന ശാന്തപുരം അല്‍ ജാമിഅ ബിരുദദാന സമ്മേളനത്തിന്റെ ഭാഗമായി ‘തബസ്സുര്‍; മുസ്‌ലിം സ്ത്രീത്വത്തെ പുനര്‍വായിക്കുന്നു’ എന്ന തലക്കെട്ടില്‍ സെമിനാര്‍ സംഘടിപ്പിച്ചു. ജി.ഐ.ഒ കേരള മുസ്‌ലിം വുമണ്‍സ് കൊളോക്കിയവും അല്‍ ജാമിഅയും സംയുക്തമായാണ് സെമിനാര്‍ സംഘടിപ്പിച്ചത്. വ്യത്യസ്ത വിഷയങ്ങളിലായി ഫാത്തിമ ഷെറിന്‍, ദില്‍റുബ (ഇരുവരും ശാന്തപുരം അല്‍ ജാമിഅ), സുരയ്യ (ഇലാഹിയാ കോളജ്, തിരൂര്‍ക്കാട്), ഫാത്തിമ ഉമര്‍ (ഇര്‍ഷാദിയ കോളജ്, ഫറോഖ്) എന്നിവര്‍ പ്രബന്ധങ്ങള്‍ അവതരിപ്പിച്ചു. ഇത്തിഹാദുല്‍ ഉലമ കേരള സെക്രട്ടറി കെ.എം. അഷ്‌റഫ് സാഹിബ് മോഡറേറ്ററായ സെമിനാറില്‍ മുസ്‌ലിം വുമണ്‍സ് കൊളോക്കിയത്തെ പരിചയപ്പെടുത്തി ജി.ഐ.ഒ കേരള ജനറല്‍ സെക്രട്ടറി ഫസ്‌ന മമ്പാടും, അല്‍ ജാമിഅ കോണ്‍വൊക്കേഷനെ പരിചയപ്പെടുത്തി സമ്മേളന ജനറല്‍ കണ്‍വീനര്‍ എ.ടി ഷറഫുദ്ദീനും സംസാരിച്ചു. അല്‍ ജാമിഅ കോണ്‍ഫറന്‍സ് ഹാളില്‍ നടന്ന പരിപാടിയില്‍ ഹുസ്‌ന മുംതാസ് സ്വാഗതവും ആയിശ ശംസുദ്ദീന്‍ നന്ദിയും പറഞ്ഞു. മര്‍യം റൈഹാന്‍ ഖിറാഅത്ത് നടത്തി.

Read More